გაგრძელება

რადიარდ კიპლინგი ,,თუ"

          

დღეს გავიხსენოთ ინგლისელი მწერალი, პოეტი და ნოველისიტი.

რადიარდ კიპლინგი

,,თუ"

თუ ძალგიძს დარჩე ძველებურად მშვიდი და მტკიცე

და არ დაიბნე როცა თავგზა ებნევა ყველას,

თუ ძალგიძს სიმხნედ, შემართებად და რწმენად იქცე,

როცა შენს ირგვლივ მკვდარი არის შენდამი რწმენა.

თუ ძალგიძს მკაცრი მოთმინებით ელოდო ხვალეს,

ცრუს, გაუტანელს არ მიაგო სიცრუე ავი.

მოძულეს შენსას მძულვარება შეუნდო მალე

და თან არც ქრისტედ არ აჩვენო არავის თავი.

თუ შეგიძლია სულში მარად ოცნება რეკდეს,

მაგრამ ოცნების არასოდეს არ გახდე მონად

გამარჯვებას და დამარცხებას თანაბრად შეხვდე

და ამ ორ თაღლითს მიაგებო ტოლად და სწორად.

თუ შეგიძლია აიტანო სიმართლე შენი

ბრბომ სულმდაბალმა ვით აქცია ხითხითის საგნად

იხილო ერთ დღეს დანგრეული, სიცოცხლის დღენი

რასაც შესწირე და შენებას შეუდგე ახლად.

თუ შეგწევს ძალა წარბი შეკრა, მოთოკო გული,

მოუხმო ნერვებს, გამაგრდე და ივარგო ასწილ

ეს კი მაშინ, როს სულიერად დაღლილს და დაცლილს

ნებისყოფაღა გეუბნება, წინ მეთქი, გასწი!

თუ შეგწევს ძალა ბრბოში იყო და დარჩე კაცად

მეფეებს ახლდე და გახსოვდეს ყოველთვის ხალხი

შენი ღირსება არ დაკარგო, აროდეს, არსად

მტერ-მოყვარესთან პირდაპირი იყო და ლაღი.

თუ შეგწევს ძალა გაიაზრო ყოველი წუთი,

აზრით დატვირტო სამოცივე ფეხმარდი წამი,

მაშინ შენია შვილო ჩემო ეს მიწის ბურთი,

ადამიანიც მაშინ გქვია, და გერქვას – ამინ!

გაგრძელება

შემოდგომა

      
     ზაფხულის ხორშაკმაც გაიარა...ენკენისთვემ შემოუბერა შემოდგომურად და ფეხმძიმე ბუნებამაც მოყვითალ-მოწითალო ფერები გადაიკრა...
     მდიდარი შემოდგომის კუთვნილი კალენდარული დრო დოქიდან გადმონაჟურ ღვინოსავით სწრაფად მიედინება...დღეს უკვე 5 სექტემბერია...    შემოდგომაა ჩვენს ქალაქში და ,როგორ ვიგებთ?
        ,,შემოდგომას სულ პირველად          რუსთაველზე გაიგებ.
         ქარი ფოთლებს, ჭადრის ფოთლებს
         გაშლის, ფეხქვეშ გაიგებს..."

გილოცავთ ქართული შემოდგომის შემობრძანებას...

გაგრძელება